Nu hmangaihna!!!

I nu vawi engzat nge, "Min hmangaih reng reng lo!" ti-a i chhuahchhalh tawh? Nu-ina a fate a hmangaihna a thukzia thu hi vawi engzat nge i lo hriat tawh thin le?

Nu hmangaihna thukzia leh fate laka an rilru putdan hrethiam pha tawka i thanlen hun, engtik ni-ah emaw chuan hetiang thu hi ila ngaihtuah ang:

I kalna te, tunge i kawm thin tih te, eng hunah nge i lo haw thin tih thu te i nin hlui khawpa zawt peih khawp chein a hmangaih che a;

Nangmahina i thlanchhuah, i thian chu mi duhawm lo a ni tih nangmaha i hmuh chhuah theihna tur khawpa engmah sawi duh lova ngawi thei khawpin a hmangaih che a ni.

Mi dawra thil i ruk chu, "Hei hi i dawr ami ka ruk a ni," tih sawi chunga pekkir-tir leh ngam khawp chein a hmangaih che a;

Amahina minit sawmpanga chhung leka a tih zawh vek theih, nangina darkar hnih chhung ngawt hmanga i pindan i tihfai lai lo vila lo thlir peih khawp chein a hmangaih che asin.

I nundan tha lo leh i tawngkamchhuak mawi lo avanga mi hnena ngaihdam dilsak lo ngam khawp chein a hmangaih che a;

"Mi nu te pawhin an ti vek alawm," tih thu i sawi ngawihsan ngam khawp chein a hmangaih che a;

Mahnia khawsak i thiam theih nan i petek leh i tluk te, i thil tihnaa i hlawhchham te phal khawpin a hmangaih che asin.

Ni tura a duh ang che i nih vang ni lovin, i nihna ang ang khan a ni chuan a hmangaih em em che a ni.

Chung zawng zawng ai pawh chuan i thil duhzawng te, i thil ngen te, i thil dil te hniala i huat em em, " Aih" tihsak ngam khawp che in a hmangaih che asin! Chutiang tih chu a tan pawh a harsa lai ber a ni reng a ni!!!